A l'ostaria

“Siora, al solito...”.
Ieri al piovéa
incoi l’ é sol, doman
ventarà, ma lu:
“Al solito... ”.
Comedon su 'l banco,
al capèl sacrosanto,
cet e bon:
an paston.
Pian pianin: “Siora, al solito...”
an cuartin nero, onesto
misurà, gustà
senza ciàcere:
sol che qualche confidenza
su tuta la pazienza
che ghe ol co la femena
i fioi, la tosa:
l'é sempre qualcosa
che fa sospirar
che fa sbevuzar.

Lino Barattin