Me piaserìa

Me piaserìa sentir parlar come i nostri veci
che i diséa: “zempedon” e “seci”.
Ai doveni ghe piase parlar polito,
i sa parole moderne al'infinito;
adess i fa le scole superiori... i sa tut
ma no i sa cosa sia 'l “zezol” e 'l “but”.
Tanti se i va an cin lontan
i se vergogna e i parla talian,
i fa su na tal confusion
che 'l par patòra misiada col baston.
Oleu che ghe dae an esempio bel?
A Venezia l'idioma l'é ancora quel;
in venezian i Dogi scrivea al mondo
a i comercea in longo in largo e in tondo.
No l'é po' così difizil al nostro dir
co 'n cin de bona volontà se pol capir.
... Ma se proprio i é tondi e no i capiss
altro no resta – in talian se gh’el diss!

Massimo Zilli
1964